نحنا جيل بناه معمر!

مش عارف علاش لازم نطلعو دستور جديد وعلاش مارجعناش لدستور قبل 69؟؟ شن العبرة من الفوضى؟ وصرف المليارات؟

السبب هو غوغائية المستفيدين بإسم الثورة وكذلك ماننسوش جهل الشعب باللي قاعد ايصير لأن لو الشعب واعي ومثقف في أغلبه ماكانش حكمنا معمر 42 سنة من الأساس لكن معمر سهل الغش والواسطة ودعمها وماحطلهاش قوانين لمكافحتها، وزاد أصل فينا القبلية والجهوية وسقاها ورعاها، وأصلاً حني من الأول فينا هلبا جهل، لأن كان هذا راهو في ال69 ماكانش حد طلع يقول أبليس ولا أدريس!! أكمل القراءة

الوطن

هل الليبي هو من ملك جواز السفر الالكتروني أم من يقدم لليبيا بالعمل والكلمة؟ أليس من يحترم قوانين البلاد والعباد ويؤدي كل يوم ماتستحقه البلاد من عمل وبـــنــــــاء دون إستغلال ولاغش، هو الليبي الأصيل؟
إن مايحدث في بلدي اليوم لهو امر مخزي، سمحنا فيما سبق بتدخل الأجنبي لأننا لانملك سلاح الأجنبي، وكانت له مبرراته ومعارضيه ومعاضديه، واليوم نسمح للأجنبي بالتدخل لأننا لانملك منطقاً ولا إنسانية ولا حكمة للتصالح والنقاش، ليس لدينا سوى حوار الرصاص. أكمل القراءة

سامحوني

الأخير لاخر.. تتكلم إيقيموك. هادي حرية فبراير. وكان نندري عليهم الليبيين هكي راني ماطلعتش ضد معمر. هذا من الأخير. لأنه الليبيين إتضح إنهم مايستاهلوش ليبيا. ولايستاهلو حرية. ولايستاهلو دولة قانون. مش إن الطلعة ضد الظالم غلط، لا لا ماتفهموهاش هكي، … أكمل القراءة

انتهت اللعبة

من وجهة نظر لاعب للألعاب “الحاسوبية” لما نتخيل الكون لعبة محاكاة كبيرة، نفكر كيف حنقدر نعيّش هالكائنات على مصدر طاقة مصيره النضوب ومانلقاش حل إلا الطاقة الشمسية. السؤال هو علاش ليبيا ماتحولتش للطاقة الشمسية وعلاش فلوس النفط مايمشيش جزء كبير … أكمل القراءة

عيادات ومواعيد

تتصل بيه الجمعة تقوله بنحجز موعد كشف لولدي، يقولك تعالا التمانية ونص ماتجينيش التسعة! باهي نجيب الولد معاي ولا شني؟ إيه جيبه معاك.

تنوض الستة ونص باش تمشي لحوش النسابات تحط عندهم البنية وتوتيلها شنطتها من حليب وشمالات وغيره.. في يوم إجازة حناها اللي بترتاح فيه. أكمل القراءة

دوامة مصرف!

تنوض السبعة باش تكون في طابور المصرف اللي في الشارع التمانية والذبان يزن عليك، ويجيك نوري يقولك معليشي أوقف عالحيط باش ما إتضايقش السيارات، وتوقف وتسمع كلام نوري، كله باش تلحق تخش “زوز زوز” وتجري الداخل تسجل إسمك في القائمة اللي تتسكر التسعة ونص وتقعد واقف في الممرات اللي مافيهاش ولا كرسي وكله يهون باش تخش تقعمز الساعة الحداش ونص بعد مايطق فيك الدور وتقعد متع ساعة وشوية بين زوز موظفات وحدة تشد في راسها وتقول لمحمد يفتح الباب لأن المكتب “غط” والتانية تسب في المنظومة وتقولي إن شاء الله نقدر نكملك معاملتك. أكمل القراءة

قصة الأشجار في ليبيا

صورة

شجرة رودودندرون

شجرة رودودندرون

الشجرة هادي لو تم زراعتها في ليبيا حيتم إزالتها لأحد – أو كل – الأسباب التالية:

  1. توسخ في الشارع.
  2. إيدرسو في السيارات تحتها.
  3. تجيب في الناموس والذبان.
  4. مسكرة علينا الرواشن.
  5. تشد علينا في النسمة.
  6. دوشة العصافير الصبح.
  7. بنديرو صيانة لطوبو مجاري.
  8. بنزرع بدالها نخل.
  9. بنبني ونفتح باب ومسكرة علينا.
  10. تستهلك في مية هلبا.
  11. صنتها إففي.
  12. عندي حساسية الربيع.
  13. فيها جن!

الدوة رسمية والحجج هادي سبق وسمعتها من بعض الناس سواء جيران او أصدقاء كتبرير على قطع اشجار مختلفة بشكل وحشي سواء في جنانهم أو قدام حوشهم.

الشكر للدكتور وسام خلف الله لوضعه هذه الصورة والتي الهمتني لكتابة هذه الكلمات!

حراك مدني

الحراك المدني في ليبيا يحتاج لوجود شريحة عريضة ومفقودة في المجتمع الليبي، ألا وهي شريحة المدنيين، للأسف العقلية ممحية وغير موجودة، وحمية الجاهلية هي التي تحكم، نصرة الأخ وابن العم والقبيلة وحتى إبن الجيران هي الفاصل لفك أي نزاع، أو حتى بدء حرب. أكمل القراءة

أزمة الكهرباء ويوم الجمعة

الكهرباء ليوم الجمعة تم قطعها 6 ساعات فقط حسب خطة توزيع الأحمال، لكن ما لا أفهمه أن علي تحمل 6 ساعات دون كهرباء وفي ذات الوقت جميع المحلات تقريباً مقفلة ظهر الجمعة، كما ان كل المؤسسات الحكومة مقفلة، بالإضافة لنزوح العديد من العائلات من منازلها ولاننسى أخبار تركيب محطات قدرتها بضع ملايين من الواط.

هذا الشيء يجعلني أؤمن بأن السبب واحد من إثنين: أكمل القراءة