عيادات ومواعيد

تتصل بيه الجمعة تقوله بنحجز موعد كشف لولدي، يقولك تعالا التمانية ونص ماتجينيش التسعة! باهي نجيب الولد معاي ولا شني؟ إيه جيبه معاك.

تنوض الستة ونص باش تمشي لحوش النسابات تحط عندهم البنية وتوتيلها شنطتها من حليب وشمالات وغيره.. في يوم إجازة حناها اللي بترتاح فيه.

تمشي جري طول الطريق باش تلحق على الموعد وتوصل بالزبط في الموعد ال8:29 بالزبط وتخش وماتلقى حد إلا موظف واحد تقوله أني اللي كلمتك أمس، يقولك إيه عرفتك وياخد منك 30 دينار ورقم تلفونك ويسجلك رقم 12.

تسأله معليشي الدكتور أمتا إيجي؟ يقولك لا مازال مايجيش توا هو لكن إنت تعالا الحداش ونص تخش بعون الله!

باهي معليشي مش قتلي تعالا التمانية ونص وجيب الولد معاك؟

لا أني أصلاً باهي اللي دخلتك وسجلتك راهو مانردش على حد يوم الجمعة!

تبلعها (لأنك مضطر ومحتاج) وتقوله راني مواعيد إنجليز تقولي الحداش نكون الحداش هنايا شوف قتلي التمنية ونص كنت اليوم التمانية ونص عندك، شني نجي نلقى الدكتور بعدين؟

تعرف كيف؟ إنت تعالا الحداش ونص بالتمام.

تطلع للسيارة ومعاك العويلة.. باهي توا التسعة قريب يعني كيف ندير نمشي الحوش ومايجي وقت الطلوع باش تسبق الزحمة تلقى روحك بتقعمز في الحوش بالك نص ساعة بس :/

تقرر تمشي تفطر مع العويلة وآهي فرصة تجرب مكان سمعت عليه كلام باهي، وتمشو وتقعمزو وتفطرو والوقت يمشي بسرعة ال تي تي.

تمشي تغسل السيارة في المحطة والوقت مازال يتسلحف.

تلقاها الحداش إلا ربع تقول هي نمشي العيادة تاني ونستنو غادي لأن الوقت قريب، وتوصل قبل الموعد اللي قالك عليه الراجل وإدور وين إدرس مش قدام قاراج ولا فم باب ولا تحت روشن تفاديا لحدوث نقب للعجلة من مواطن متكنطي.

تجي بتنزل لكن تقول خلي نتصلو بالراجل نشوفو وين وصل الرقم.. ويرد عليك يقولك تو كيف خش رقم 2.. وتتعكرش حضرتك.

باهي كيف يعني نستنو نص ساعة يجي دورنا ولا كيف؟

تي شني نص ساعة هو كل مريض يبي نص ساعة!

باهي كيف موعدنا يصير فيه تو الساعة حداش إلا؟

لالا يادوب الساعة طناش ونص ولا الواحد باش تخش!

تجيك هاديكا الصدنة واللي هي أقوى من الصدمة، وتقول هي نروح وأمري لله.

تروح وامرك لله والبنت قاعدة تعيط على راص حناها على بعد كم كيلو متر وولدك يعيط يبي لعبة صيد سمك!

تمشي معاه لحوش حناه تسلمو وهو يعيط نبي لعبة صيد سمك.. تمشي الحوش وهو يعيط نبي لعبة صيد سمك!

تقرر تمشي لمحل الالعاب مع ولدك وهي أخطر عملية ممكن يقوم بيها أب مع ولده، اخطر من المهمة المستحيلة لإختراق البنتاغون اللي دارها توم كروز.

تمشي المحل وغنت طول الطريق راهو بناخدو اللعبة وبنروحو الحوش وعملية غسيل مخ فاشلة بمجرد خشانك للمحل يتفركس كل شي.

لكن دكتاتورية الليبي ماليهاش حل ويتم التفاوض على اللعبة وتطلع أمورك تمام وتروح الحوش تقرر تقعمز تكتب الصباحية متاعك وولدك جنبك يلعب بلعبة صيد سمك!

شهاب ولعبة صيد السمك

شهاب ولعبة صيد السمك

تتصل بيه الساعة طناش يقولك كيف خش رقم 5.

وتستمر المعاناة غير كان من الأول قال إتصلو بينا ولا نتصل بيكم قبلها بساعة ولا أي حاجة المهم علاش التشحيط وجو المواعيد، بجديات مافهمتاش الموضوع هذا ومش عارف هل الناس هادي تخش النت وتقرا ولا لا ومش عارف هل لو السيد الأخ اللي الدوة عليه حيجي يوم ويقرا هالكلام ويتفكر روحه مداير الغلط هذا في الناس ولا زعمة حيقول من علي الطويل النفاخ هذا وموسع باله كاتب هالنفخ هذا كله.

طبعاً الغلطة هي لما تعبى عليه في تنظيم وقتك ولهذا زوجتي قرت النقص ودارت حسبتها وإكتشفت إن المريض ياخد حوالي تلت ساعة، ودرنا الحسبة نطلعو الواحد ونص نكونو عندهم قبل موعدنا بربع ساعة، يعني مع الساعة 2 الظهر تقريباً وهذا اللي صار بالفعل، وحني خاشين الباب متع العيادة إتصل بينا قاللنا موعدك توا توا إنت وين؟ قتله أني في الدروج راكبلك!

قصدي مش عارف علاش مافيش إحترام للوقت، يعني الراجل حتى لما إتصل ماكلمناش قبلها بساعة مثلاً وقاللنا راهو موعدكم قريب، يعني لو زوجتي مادارتش الحسبة راهو فات علينا الموعد بعد التشحيطة هادي كلها!!

الحاصيلو، كملنا الكشف، وطلعنا مشينا لحوش العيلة بناخدو البنت وعالطريق خدينا غدانا لأنها خلاص الساعة تلاتة ونص تقريباً ومالحقناش على حاجة مع الرالي الصباحي، ولما وصلنا لقينا الغدي واتي وكل شي جاهز في حوش العيلة على غير الخطة اللي كنت راسمها في راصي وهي إني ناخدو البنت ونروح نرقد!

تو هكي معناها بتتغدى وتقعمز شوية تهدرز بعدين بتخلي شهاب وام شهاب يهدرزو وبتروح مع الخمسة وبعد ساعتين ولا أقل بتولي باش تروح بالعويلة تاني، يعني ماصارش من النومة وأني هكي مانقدرش نرقد متع سويعة وإنوض بيجيني صداع يستمر لآخر الليل (عن تجربة) ولهذا قررت إني نكمل هاليومية ونفتح نخبط شوية Far Cry 4 ونمشي نروح بالعويلة ونخشو جميع نرقدو.. هذا كان سديم خلتنا نرقدو طبعاً!

لكن اللي صار في الواقع هو أني إتصلت بصديقي احمد القبلي وقررت نطلع نشرب قهوة لأن ليا شهور ماطلعتش!

المهم أني لهنايا وبنوقف عالكتيبة، وإنتم قولولي شن رايكم في يومي!

3 تعليقات على “عيادات ومواعيد

  1. مسابقة أفضل مدونة ليبية 2014
    فى إطار السعى لدعم المحتوى العربى وتحسينه والرقى به تسعد إدارة كل من :
    إتحاد المدونات العربية
    تباريح العشق والوجع
    مركز تعريب وتطوير المواقع والبرامج
    بالإعلان عن إطلاق النسخة الأولى من مسابقة (( أفضل المدونات )) لعام 2014 والتى خصصت هذا العام لاختيار أفضل 10 مدونات ليبية .

    * شروط المسابقة :
    1 – أن تكون المدونة على منصة بلوجر http://www.blogspot.com .
    2 – أن تكون المدونة ذات محتوى جيد وهدف واضح .
    3 – أن تكون المدونة نشطة وغير خاملة .
    4 – ألا يغلب على مواضيع المدونة طابع النسخ واللصق والنقل من المواقع الأخرى .
    5 – ألا يكون التوجه العام للمدونة مخلا بالآداب أو تعاليم الدين أو مخالفاً للقانون .
    * الترشيح :
    يمكن لأى شخص سواء كان مديراً لمدونة أو مشاركاً فيها أو متابعاً لها تقديم طلب الترشيح سواء بترك تعليق على هذا الموضوع أو بمراسلتنا باستخدام نموذج المراسلة أسفله على أن تتضمن البيانات ما يلى :
    – إسم المدونة
    – مجال تخصصها
    – عنوان المدونة الإلكترونى
    – بيانات صاحب المدونة (( الإسم + البريد الإلكترونى + الهاتف )) مهم من أجل التواصل
    تستمر عملية الترشيح حتى انتهاء يوم 2014.12.22
    * الفرز :
    – سوف يتم زيارة جميع المدونات المرشحة دون استثناء وتقييمها وفرز واختيار أفضل 10 مدونات وفقاً للشروط السابقة .
    – تبدأ عملية التصويت النهائى بين المدونات الـ10 الفائزة على المركزين الأول والثانى اعتباراً من 2014.12.23 – وتستمر حتى انتهاء يوم 2014.12.30 .
    – تعلن النتائج يوم 2014.12.31 .
    * الجوائز :
    ستقدم لأفضل مدونتين الجوائز التالية :
    1 – إتحاد المدونات العربية .. يقدم بنرات ونصوص إعلانية مجانية سيتم تبادلها مع عدد من مدونات بلوجر ومع عشرات المواقع الأخرى لمدة 30 يوماً مما يتيح للمدونتين انتشاراً أوسع وزواراً أكثر .
    2 – تباريح العشق والوجع .. يقدم مصحفاً إلكترونياً مرتلاً بصوت أئمة الحرم المكى (( الشيخ عبد الرحمن السديس – الشيخ سعود الشريم )) .
    3 – مركز تعريب وتطوير المواقع والبرامج .. يقدم قالبين متقدمين احترافيين مناسبين يمتازان بالخفة والسرعة وقوة الأرشفة فضلاً عن الأناقة مع تزويدهما بكل العناصر والأدوات والسكربتات التى تساعد المدون على إبراز مدونته بمظهر رائع يتناسب مع جودة المحتوى ويمنحه مظهراً أكثر أناقة واحترافية .. وهى كلها أمور تزيد من عدد المتابعين والزوار بشكل كبير وهو ما سيلحظه المدون بنفسه .
    تمنياتنا للجميع بالتوفيق

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)