خير يا تريس!

صارلي موقف مايتكررش.. ولا ممكن يتكرر لكن في من ينساه.. أما أني فليا 35 سنة في هالكوكب وماصارليش من قبل!

وإنت مقعمز مع الجماعة في القهوة لابيك لاعليك يجيك شاب يخش في الجلسة إنديترو ويدوي في جرة بعضه:

خير يا تريس!

شن حالكم يا تريس!

شن الجو ياتريس!

بالله زوز جني حق نتشة!!!

الشاب قال يبي حق نتشة.. هكي من الأخير وعلى بلاطة.. إيه هالكائن هذا جاي يبي حق نتشة! مش تغلط وتحسابه يقصد كتاب لفريدريك نيتشه‏!

تجيك إنت وباقي الجماعة سكتة دماغية منها معاش تعرف شن تخرط وتخطم عليك لحظة وكأنها ساعة وتلقى روحك تقول:

ربي يعاون!

طبعاً باقي الجماعة كل واحد لوحله كلمة ولا جملة زيها لكن المهم صاحبنا مشي واستمر في الإنديترو لطاولة تانية!! وكان ماكذبنيش ربي مازال “يشلّش” في القهوة ويدور على حق النتشة!

النتشة هي نوع من المخدرات.

تعليقان على “خير يا تريس!

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)