اللي مايضحكش.. يتفرج!

هل مداير عملة أكبر من راصك وفي عليك هجوم إعلامي كبير لكن ماتبيش إتوب؟؟ هل تبي تنظف صورتك قدام الناس بالكذب وتغطي على فضايحك؟؟

بسيطة، أني نقولك كيف..

أولاً دير حساب وهمي عالفيسبوك وطلّع أخبار مزورة وملفقة علي روحك مثلاً تم طردك من عملك بسبب العملة اللي درتها أو تم إعتقالك من قبل جهة معينة أو أي حاجة تخلي الناس تحس أن العدالة خدت مجراها..

ثانياً إستنى القنوات والصحافيين والمحسوبين على الإعلام وصفحات الفيسبوك لين ينشرو هالأخبار، وحينشروها طبعاً من غير الرجوع والتأكد من المصادر باش يحققو سبق صحفي أو لأنهم ناويينك..

ثالثاً الصبر.. يعني إستنى يوم أو إثنين لين الناس تصدق..

رابعاً وأخيراً أطلع وإنفي وأثبت أنه لاصار طرد ولا إعتقال ولا أصلاً في حاجة من اللي يقولو فيها عليك وأضرب عصفورين بحجر واحد، أثبت أن المستندات مزورة، بما فيها المزورة اللي إنت طلعتها وإطمئن حتى المستندات اللي إنت تعرفها حقيقية وتدينك هكي حتخلي الناس تستنج بروحها أنها مزورة وياناري الإعلاميين ناويينك وإنك مناضل ووطني وكله في سبيل الوطن وأن في حملة تشويه ضدك وجغ مغ!

وطبعاً هذا اللي صاير توا.. واللي مايضحك يتفرج!
((طبعاً أني نتفرج))

child-watching-television-silhouette

هذه المقالة نُشرت ضمن التصنيف فضفضة، ليبيا بواسطة علي الطويل. أضف الرابط الدائم إلى مفضلتّك.

نبذة عن علي الطويل

من مواليد 1978، يسكن مدينة طرابلس الغرب، ليبي الجنسية، فرد ناشط بالإنترنت منذ 1998 وله يد في تطوير منتديات ومواقع ليبية كثيرة. أسس وأدار منتدى طرابلس لمدة ست سنوات. مهتم بالكتابة ويعمل في مجال تقنية المعلومات. التصوير الرقمي من إحدى هواياته المفضلة بالإضافة للقراءة، يحب مشاركة الآخرين خبرته.

تعليق واحد على “اللي مايضحكش.. يتفرج!

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)