مشكلة الكهرباء في ليبيا 2

ياودي تزعلوا ما تزعلوش تدعو عليا حتى اني .. والله محيريق ما عنده دخل ولا عنده ما يدير .. اي نعم هو غالط في كلامه ووعوده .. لكن بالنسبة للمشكلة .. لا يوجد حل في القريب العاجل .. ربما يحتاج سنة

المشكلة كانت متوفعة قبل ثلاث سنوات من الثورة لما توقعو ان يتضاعف الاستهلاك في ليبيا بنسبة 100 % .. لكن المفاجأة انه تضاعف بنسبة 350 %
القصة ومافيها حسب رواية صديق متمكن ومتخصص في المجال
ان ليبيا تنتج في اقصى قدرتها حوالي 4.3 نسيت الوحدة اظن ميقا وات
والاستهلاك حوالي 6.5 بنفس الوحدة

الحل هنا يكمن في امرين
الترشيد والتعاون من الجميع وهذا مستحيل حاليا
الحل الثاني زيادة الانتاج
وهني تجي اربعة مشاكل والدوة مازالت للاخ

1 – البنية التحتية الكهربائية في ليبيا متخلفة بالمقارنة بالجيران مثلا
2 – باش تبني الحكومة محطة زي محطة الرويس مثلا .. وتربطها بالشبكة تحتاج ثلاث سنوات في العادي .. سنة ونص لو بالضغط
3 – المحطات الموجودة اصلا حاليا تحتاج لدورات صيانة مكثفة لان اغلبها يعمل بدون صيانة من فترة
4 – كثرة سرقة الكوابل والتخريب المتعمد للشبكة اللي تحتاج لتجديد بسبب مرورها بمسافات شاسعة جدا في ليبيا وعدم صيانتها المستمرة

القضاء على هذه المشاكل لن يتم قبل عام او عامين على الاقل ..

اما فكرة المحطات العائمة فقدراتها غالبا محدودة وماتقدرش تقضي على الاحتياجات في ليبيا وربطها بالشبكة ايضا يحتاج تكلفة وجهد كبير

هذا ملخص الكلام مع الشخص هذا وعندي فيه ثقة علمية
ياريت اي حد متخصص يتفضل ويشرحلنا القصة شرح علمي اكبر .. باش الناس تفهم

وراهو حتى لو مكيف واحد مليح مش ضروري اربعة .. وام الفريز اللي مخليه والع دركت وفسطه زوز دجاجات صكر جده وحطها في الثلاجة .. وكمبيوترك راهو عادي كانا طفيته في الليل .. والسخانة مش لازم تقعد مفتوحة سنة كاملة راهو صيف .. والمحلات اللي مدايرة اسطول لامبات مافيش داعي ينفتحو كلهم ..

ماحدش يضحك .. لانك في ازمة ولو حاولت تتعاون مش عيب باش تضحك عليا .. انك تبدا في الحل افضل من سب الوزير فقط

اي حد متخصص ياريت يشرحلنا او يصححلنا ومايخافش من الضحك .. نبو كلام علمي

3 تعليقات على “مشكلة الكهرباء في ليبيا 2

  1. بالنسبه لكلامك جله صحيح اخى خليفه وانا ادعم ماقلته علينا ان نوعى الناس بالنسبه لترشيد استهلاك الكهرباء بدلا من لعن الوزير لان المشكله قديمه وليست حديثه العهد

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)