حوار مع عضو بجهاز الإسناد الأمني طرابلس

الحوار كما هوا والتعليق ليكم وان شاء الله يوصل للاعلاميين والصقوعي والمسؤولين المعنيين

حوار دار بيني وبين احد الاخوة واسمه هيثم ( تابع وزارة الداخلية – جهاز الاسناد الامني فرع طرابلس ) وطلب مني نشر الموضوع على صفحتي

* هيثم : السلام عليكم يا خليفة
عندي موضوع نبيك تتكلم عليه في صفحتك
او انك تبعته في الصفحات اللي تعرفهم انت
باختصار الموضوع على لاعيبي المنتخب اللي كانوا مؤيدي القدافي ، زي عبد ا
لعزيز بريش و علي ارحومة وايهاب البوسيفي
اول امس كان في تكريم في فندق الودان وامشوا شباب من قدح وكشلاف يبوا ايهدوا على الاعيبين ، ووقفلهم الا فتحي تربل وقاللهم على خاطري وجاء حتى عبد الحفيظ اربيش وشاف صورة ايهاب البوسيفي والبركي لابسين اعلام خضر واوعدنا انهم مش حيلعبوا في المنتخب اللي كانوا مع القدافي ، وثاني حاجة يا خليفة عبد العزيز بريش لين عقريب ايعيط لما طالعين ، وكله كوم واللافي كوم من كثرة الخوف

* خليفة البشباش : متكلمين عليه الموضوع في قناة ليبيا الرياضية
وفي كذا منتدى
ومدايرين بيه ضجة
من كذا يوم
والملاعبية الطحالب سافرو مع المنتخب لتونس

* هيثم : عارف انا حاضر الضجة ،، والموضوع واصل لعند ( فلان ) يترجوا فيه
واليوم اتصل بينا فتحي تربل يبينا ندخلوا في الموضوع

* خليفة البشباش : شن يبو منكم بالضبط ؟

* هيثم : الجماعة اللي هدوا عليهم طرابلسية بس اصحابنا وكانوا معانا في نالوت ايام الثورة وفي منهم يسكنوا في قدح وكشلاف ، المهم الجماعة هاذو جيرانهم طارق التائب و رياض اللافي ووليد المهذب
وثوار قدح يعرفوا الطحالب كلهم امتاع المنتخب وعندهم حتى الصور
وبكري اتصل بيا واحد من الشباب وقالي كان الطحالب حيلعبوا احنا حنسكروا الاتحاد الرياضي و اللجنة الاولمبية
ويبونا نتدخلو ونوقفوا الشباب

* خليفة البشباش : وانتا شن رايك وشن بتدير ؟

* هيثم : انا يا خليفة قاعد شادها تلفونات مع الشباب اللي تبي اتسكر الاتحاد العام الرياضي ، وكيف اتصلت بـ( فلان ) بكري وقتله فتحي تربل يبينا نحموا المقرات من طيش الشباب ،، ولحد الان الوضع مش امليح لان طحالب المنتخب سافروا الي تونس

انتهى الحوار ….

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)