طرابلسي كاست: كيف تختار؟

أتحدث هذه المرة عن مفهوم “كيف تختار؟” بشكل عام، أعطيك طريقة بسيطة لترتيب أفكارك فتصل لنتيجة قريبة جداً لما يناسبك بالفعل.

أتمنى أن أكون قد ساعدتك فعلاً في الإختيار!

[رابط مباشر للتنزيل] – [رابط الفيديو على YouTube]

24 تعليق على “طرابلسي كاست: كيف تختار؟

  1. تعرف حسستني اني غبيي عندي ايفون نتكلم بيه و نستخدم في الانترنت بس ملقيت متقول ههههه
    انا ديما نختار بالسعر و الماركة كل متكون اغلي و حاجه معروفه كل متكون احسن , و مناخدش الي علي حسب ميزانيتي.
    المرة هادي الحلقة مفيده لاكن الي قبلها ماه
    استمر
    منور علي المجهود

    • في اجهزة اغلى من الأيفون
      لكن هذيما الأجهزة للمناظر فقط
      يعني يكون مصنوع من الذهب ولا الفضة ولا الخشب
      و لكن لايعني انه افضل من الأيفون
      ____________________________
      الأيفون أغلي الأجهزة المشهورة في السوق
      لكن مش افضلهم…كل واحد ع حسب استخدامه

  2. منـور يا علي حلقـة جميـلة…

    الحق المدة اللي فاتت صـارتلي لخبطـة كبيـرة في حيـاتي … و كـنت علي مفترق الطرق!

    تخصصـي كـان هندسـة نفطيـة … كان الهدف الوحيد منـه هو أنه أفضل تخصص من ناحية الفلوس!

    هذه المميزة الوحيدة اللي خلتني نختاره هو علي غيـره…

    بس من مدة شهريـن قعدت نفـكر في هلبه أمـور هل معقـولة أني نجري علي الفلوس بس؟!

    و التخصص ما عنديش عليه هذه الفكرة الكبيـرة جداً حتـى نمشي فيه مزبوط!

    خديت ورقة و قلم و قعدت نرسم في المسار المستقبلي متاعي لقيته ” تافه”…

    و خديت تخصص ثـاني كـان يستهويني بكثـرة في أيام الثـانوي… رسمتله المسـار لقيته مزبوط!

    مع أنه أقل من الناحية المادية… و لكن استرحتله أكثر و بيه ينفتحلي أكثر من مجال… و أكثر من شيء!

    كما أني بيه حنحصل وقت أكبر بـاش نحقق بـاقي أهدافي اللي في دماغي… !

    اللي هو الهندسة الكهربائية… صليت استخارة و الحمدُ لله زاد اهتمامي للمجال أكثر من النفطيـة!

    أهـم شيء في الاختيار … أظهار مزايا و عيوب الطريقتين ثم أختيار أفضلهما ..

    بـارك الله فيك ^^

    • Brother Mohamed

      Your second choice is actually better than your first one. According to many scientific studies, the oil will not be there for so long. Actually people with Electrical Engineering degree can get better jobs as the world now more driven by silicon and microchips technologies which are all based on Electrical and Computer Engineering.

      May ALLAH help you and direct you to the right path.

      Salam

  3. باش مهندسنا مية مية الفيديو .. لكن عندي ملاحظات شوية نرجوا ان تاخدها بروح رياضية .. الفيديو اللي قبله ممتع اكتر بصراحة من ناحية المادة والإلقاء .. وبالله عليك زيد قرب المايك شوية لانه صوت الهواء هلبة قريب اكتر حتى من صوتك

    بالنسبة ليا انا في …الاختيار نختار الحاجة اللي تعجبني ولو كانت مش عاجبة غيري بصراحة في حالة انه انا عارف شن اللي بنختاره .. أما إذا كان شي فوق مستواي الإدراكي نسئل عليها نص ليبيا ومانستعجلش في الشري إلا إذا كانت حاجة ضرورية ومن الصعب أنك تعيش بدونها في هادي الحالة مرات نشريها الحاجة حتى بدون تفكير هلبة المهم نقضي بيها حاجتي وخلاص وبعدين مرات حتى تتلوح

    بس انا اللي لفت انتباهي ياخوي علي في المقارنة بين الهواتف الآي فون والإتش دي والنوكيا .. في المقارنة كاتب انه النوكيا مافيشي برامج رخيصة .. هو النوكيا برامجه بالبلاش معبية النت وبكثرة بصراحة وسهل الحصول عليها جدا يعني .. كما يوجد ربط عناوين وبريد قوقل وغيره في النوكيا ياخوي علي وانت كاتب انه مافيشي .. وانا طبعا نتكلم على انواع تانية من النوكيا زي N 97 مثلا

    طبعا حكاية المقارنة خطرت عليا قصة مرة لما جيت بنشري موبايل .. انا لما جيت بنشري تلفون نوكيا اول شي سئلت صحابي شن احسن تلفون فيه مزايا وثمنه معقول .. طبعا كل حد قال علي نوع لكن أغلب الآراء اتفقت على انه الإي 56 احسن واحد .. وبعد ماخديت منهم الزبدة خشيت على موقع النوكيا .. واحسن حاجة في موق النوكيا تقدر ادير المواصفات اللي تبيها في تلفونك وهما ينقصولك الخيارات .. المهم انا درت خياراتي اللي نبيها وهي جيل تالت ودبل كميرا ودبل سبيكر ووايرلس وإف إم ترانزميتر ورام كويس وغيره .. المهم طلعلي اربعة تلفونات تقريبا .. سحبت المقارنة على ورقة وتسقدت بيها لشارع المدار شفت الاسعار .. طبعا في ذلك الوقت كان الـN97كيف نازل وكانت فيه الميزات اللي نبيها كلها عدا أنه طرفين طبعا انا نعتبر فيها عيب مش ميزة هادي لكن الداكرة الداخلية والرام وكل شي مية مية وشاشة كبيرة .. لكن حتى سومه مبرزم في ذلك الوقت .. بينما الـ N79 فيه نفس ميزات السبعة وتسعين ولكن الذاكرة الداخلية اقل ولكن تقدر تركبله ذاكرة خارجية 8 قيقا يقبلها بدون أي مشاكل فاستقريت عليه هو وشريته لأنه ثمنه حوالي اقل بنسبة 50% من السبعة وتسعين ..

    بينما في نفس الفترة اللي شريت فيها انا نقالي القيت صاحبي وصاحبك شاري تلفون غالي بنفس سعر تلفوني قلتله علاش شريته هكي غالي شن فيه من ميزات قالي شكله قنين وفيه ساعة من برة

    هههههههههههههههه

    عموما ياعلي نتمناك تقولنا شن المزايا متع الآي فون لانه زي اللي مخربشة ومادبيك اديرلي مقارن مع الحاجات الغليضة للنوكيا اللي تكون حوالي بنفس سعر الآي فون لانه اعتقادي انه فيه نوكيا فيها نفس ميزات الآي فون وارخص منه والله اعلم

    طبعا انا ماعنديش فكرة عالآي فون مزبوطة

    إن شاء الله ماطولناش ههههههههه

  4. شكرا على حلقة اللى استفدت منها جدا لان اغلب اختياراتى تكون بناءا على اراء اهل و اصدقاء …..ممكن حلقة اليوم تكون بداية ولو بسيطة للتغيير

  5. Pros:
    – Good scientific way
    – Teach you how to evaluate your choices based on facts not emotions
    – Many companies are using online systems to help their customers quickly identify their best fit. As an example, check this laptop discovery tool… by BestBuy store.

    http://images.bestbuy.com/BestBuy_US/en_US/images/abn/2008/com/pcon/laptop/laptop_test/laptop/LaptopConfigurator.html

    (Copy and past in address bar if it’s not clickable)

    Friendly Critics
    -Where is the Islamic guidelines. Salat El Estikhara is the best. Just leave it to ALLAH and you’ll be directed to what is best for you. For instance, you may decide on something based on scientific facts however, ALLAH has something else planned for you.

    – Customer with no choice are the best for businesses as they are very easy to manipulate by ads and sales representatives. However (as you said Ali) those customers will hurt themselves as 80% of the time will buy something that they don’t even need or like. So it’s different based on what prospective you’re looking at it.

    Good job Ali, you made me think about lunching my own video cast project too.
    I also like your previous video about computer security risks and the one before about Backup. I actually bough Seagate 2TB after watching that episode for protecting my data.

    We’ll talk about that soon. Keep it up

    • بيست باي…..لاتثق فيهم واجد
      كل مايريدونها ان يبوعوا بضاعتهم لو جهاز ماعندهمش , ويمشي معاك مية مية..مش ح يقولوا عليه
      و ثانيا..الموقع يعطي خيارات واجدة ,,و بعض الأجهزة للي يعرضهم مش ملاح

  6. حلقة كانت مميزة جدا وجاءت في الصميم …..
    وبالنسبة ليا ما عنديش طريقة مميزة نختار بيها وطريقتي ساهلة جدا واعتقد الاغلب ينفد فيها وهي لما تجي بترقد وتصفى مع نفسك تبدا بالتفكير بعقلانية اكثر وبحكمة اكبر فاعتقادي هدا الوقت المناسب للاختيار…مع فائق التقدير والاحترام

  7. انا نختار بالطريقة الآتية
    نمشي للمحل نشوف البضاعة قبل
    نسألهم..لكن نكون حذر لانهم يجبروك بطريقهم الفنية ان تشري الحاجة للي يبوك تشريها
    بعدين كيف ماقلت نشوف الإنترنت و عندي بعض المواقع ع التليفونات مثلا http://www.gsmarena.com/
    و بعدها نسأل صحابي…لكن كيف ماقلت كل واحد و احتياجاته
    و بعدي يامايصيرش من الشري و انراجي البضاعة الجديدة
    يامانتوكل و نشري الحاجة للي سمعت انها يشكروا فيها واجد
    اهم خطوة في النت
    النت فادني واجد..انا في النقالات
    قبل بنشري الأيفون…لكن لقيت عنده عيوب واجدة..أولا حاجة مافيش SD slot
    و ثانيا مايدعمش الفلاش بلاير و حاجات كثيرة
    بعدين قولت النوكيا ان 80..لكن لقيت برامجمه قليله.. لكن من ناحية التصوير..فهوا النقال الأول لامحاله
    لكن مانبيش كامرة قوية جدا
    بعدي مشيت للسامسونج جالاكسي..لكن لقيت انواع هلبا…و كلهم تقريبا زي بعض
    عجبني النقال و جاي بنشريه..لكن سمعت في النت انه في اشاعة مأكدة من قبل الكثيرين انه في جهاز جديد
    اسمه Nexis s من السامسونج …فلذلك انا حاليا انتظره ^_^ ;-)

    • Nokia n8
      آسف ع الأخطاء الإملائية …انا نكتب بسرعة و مانعرفش الإملاء واجد

  8. السلام عليكم

    حالياً وفي هذه اللحظة بالذات اطبق ماورد هاهنا لكن الحق من غير ورقة وقلم
    نفس الخطوات وبنفس الترتيب لكن تتم بطريقة تلقائية بدون جداول
    انلخص فيها في جملة
    استشير ثم استخير ثم اعزم فتوكل

    ويكاد يكون هذا الموضوع يومي بالنسبة لي بل هو كذلك. معليش في كل شي وكل حركة حتى في الأكل يمشي عتدي …

    المراجعات Review متع الانترنت مهم جدا لكن طبعا مش كل شي مكتوب مزبوط في الغالب تسأل ناس حقيقيين أفضل خاصة في اختيار الأشياء غير الالكترونية كخطوط الطيران والفنادق على سبيل المثال. لكن في المجمل دائماً ندير عليه في طلة وخاصة إذا لم يتوفر أناس أثق في رأيهم استخدموا ماأريد أن استخدم.

    الموضوع مهم جداً جداً
    فما حياتنا في النهاية إلا نتاج خيارات نتخذها في كل لحظة وكل ثانية

    شكراً على الطرح المرتب

    ملاحظة : قبل لانكتب كنت مش عارفة شن نختار عربي فصحى أو بالليبي أو بالعنجليزي وفي الأخير قررت نحطه هجين… قتلك مهندس علي في كل كل لحظة الموضوع عندي.

    في حد معلق عالصوت مزبوط الصوت في الفيديوات الي فاتت كان أوضح …

    طلب أخير …

    استمر …

  9. مشكور عالبرنامج وموضوع حلو الصراحه.
    انا حقيقه اغلب اختيارتي في شراء متلا سياره نسأل في ناس اللي عندها نفس النوعيه من السياره او اللي عندهم فكره اكبر عالنوعيه من حيت المنطق والخبره والناس هدو عندي فيهم تقه يعني مش اي واحد وبعدها انشوف هل انا نقدر متلا زي الشخص الفلاني انحافظ عليها متلا لو انا مش محافظ يعني ندرسها وانقارن روحي معاه في النوع اللي نبيه.
    بالنسبه للتليفونات انا قبل فتره كنت بناخد اي فون لانه انيق وباللمس وفيه برامج حلوه وتقدر تنزل اي برنامج او اي اغنيه بسهوله بس بمقابل لكن بعد ما نزل نوكيا ان 8 لاحظت انه انيق وشكله حلو وباللمس حتى هوا بس ميزات اقوى متلا الكاميرا اقوى بهلبا من الاي افون وبالنسبه للبرامج تتحصل عليهم من موقع النوكيا بسهوله ومن غير مقبل والاغاني تقدر تنزل من النت مباشره من بعض مواقع من غير مقابل ولا جو التعقيد افتح حساب وعبي كرت والخ وكدالك السعر ارخص فاخترت النوكيا بكل سهوله.
    تحياتي

  10. حلقة جميلة
    بس لو كانت بعدية شوية عن التقنية لان الاختيار مجاله واسع
    حبدا لو كانت بطريقة تنمية معناوية لان حسيتها تنمية تقنية

    الجميل ما في الامر و هوا شي تعلمته من فتره ما يقارب سنة و نص الجدول لتحديد الاهداف في مفترق الطرق

    تفكير جميل منك

    اخيرا كل جهد تقوم به مهما كان صغير هوا ابداع منك لانه يضيف عند الكثير لنا
    اشكرك

  11. من أصعب الأشياء انك تختار !!… إجمالاً… لا أعشق التغيير .. و أقبل النصائح و أفضل أخذ المشورة ممن أثق في رأيهم .. و من ثم نشوف شن هو اللي يتماشى معاي!!.. و أن استشكل علي الأمر … ألجأ للاستخارة … و إن كنت في بعض المواضيع التي أعلم رأي الآخرين مسبقاً منها … ألجأ للاستخارة من البداية .. و أكتفي بها .. بارك الله فيك على هذه الحلقة الطيبة

  12. اشكرك اخي الكريم على هده الحلقة وانحب انقولك انك انسان مبداع بارك الله فيك ومزيدا من التقدام يارب

  13. تنبيه: كيف تختار؟ – طرابلسي كاست5

  14. بسم الله الرحمن الرحيم
    شكرا على النصائح الى قدمتها لكن فى موضوع اذا كان عندك امرين وتبى تختار واحد منهم اعرف اي منهم خيرك فى الدينا والاخرة …..

  15. السلام عليكم
    الفترة اللي فاتت كنت نبي انغير وظيفتي كان عندي مشاكل في الوظيفة الحالية منها"ضغط الشغل و المعاش قل للنصف"و أصحاب الشغل ما يبوش يزيدو المعاش دورت علي أكثر من مكان للشغل و كان في نيتي اني نبي انغير تخصص الشغل لشئ أخر مختلف تمام علي شغلي الحالي ما حصلتش الا في مجالي أكثر من وظيفة ،المهم درت جدول و حطيت العيوب و المميزات لكل وظيفة و اخترت اللي ناسبني أكثر و في النهاية قعدت في شغلي القديم و زادوني مرتبي.
    شكرا

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)