طرابلسي كاست: ردود وهدرزة

هذه الحلقة ردود على تعليقات الحلقة صفر بالإضافة لفضفضة وهدرزة عند كل تعليق، لازلنا ننشيء فيديوكاست ليبي ونحاول نشر معنى المشاركة وتبادل المعرفة..

[رابط مباشر للتنزيل] – [رابط الفيديو على YouTube]

127 تعليق على “طرابلسي كاست: ردود وهدرزة

  1. مساء الخير أخ علي
    بجد انحب نهنيك على المجهود الطيب و الجرءة على تقديم مدونة تكون ذات فائدة لنا كلنا .
    بس انا عندي ملاحظة بخصوص المدونة حيث لم يتم طرح اي معلومة مفيدة او موضوع هادف الى اللحظة , فهل سيتم ذلك في الحلقات القادمة ؟
    شكراً

    • بارك الله فيك

      أعتقد إني حنخيب ظنك لو تنتظر في معلومة مفيدة ومازال مالقيتهاش! لأني هدرزت علي هلبا حاجات، ولو مش ملاحظ فهادي مشكلة!

  2. مانبيش نكون سلبية ولكني من خلال مشاهدتي لهذه التدوينة او تجربة التدوين عن طريق الفيديو حسيت وكأنه تتكلموا عليها وكأنها اختراع جديد او كأنه مش قاعدة ملايين الناس ومنهم العديد من الليبين اتنزل في فيديوات ليها ع اليوتيوب او الفيس بووك وكأنه اول سابقة تصير او حاجة زي هكي يعني لو يجي شخص مش ليبي ويشوف الفييو هادا يقول شن الليبين هادوم شكلها توا كيف وصلت فيهم ولا شني القصة بالزبط او ممكن في فكرة تانية في الموضوع نكون اني مش فاهمتها ولا شنو لاني بجديات مش فاهمة ماقاعدة الناس اتنزل في فيديوات ليها ه اليو تيوب و الفيس بووك كل يوم يعني شن الجديد في الموضوع !!!!!!!!!!!!!!!!

    • لو سمحت اخي الطرابلسي بنرد على الاخت هاله

      مش زي فيديوات الفيس بوك او المنتديات هذا فيديو بلوق ليبي لشخص قدام الكاميرا وننصحك ديري شويه بحت في قوقل على الفيديو بلوق حتعرفي انه اول ليبي يدير هكي ولو عندك غيره ورينا

      وبالتوفيق يا طرابلسي

    • بغض النظر على من كان الأول، التدوين المرئي الشخصي والذي تجلس فيه وحدك مقابلاً العدسة وتطرح أفكارك صوتاً وصورة بدلاً من الحروف، لم أقم بإنشاء قائمة حصر لكل فيديوات الإنترنت الليبية، لكن مع تصفحي الدائم وشبه اليومي لموقع يوتيوب طوال الست سنوات الأخيرة، لم أرى في ساحة التدوين المرئي الليبية من مارس التدوين المرئي الشخصي بإستثناء بعض المحاولات لتقليد البرامج التلفزيونة وكذلك تطبيق فكرة المقابلات والحوارات ذوات الطرفين أواكثر، بينما “طرابلسي كاست” يدور حول نشر التدوين المرئي الشخصي والذي اتمنى له الإنتشار، نريد بعض الشجاعة والتشجيع معاً.

  3. السلام عليكم

    استمتعت بالحلقة الاولى او الثانية من الفيديو كاست علي اعتبار ان الاولى هي الحلقة الصفر … اثق انه بوجود شباب متحمس و جاد سيتوفر لنا كل ماذكره احد المعلقين من استغلال كامل ادوات المجتمع الافتراضي وتقنيات. الويب 2. ، المهم ان لاتخبوا. هذه الجذوة من الحماس وان يستمر هذا العمل وهذه التجربة ،، لك مني كل التحية والتقدير وبانتظارجديدك ،.

  4. ههههه عمو علي اني لقيتلك اسم حلو اشاءالله يعجبك (( ولد الشعب ولا ابن الشعب
    المهم بختصار البرنامج حلو هلبا والديكو هكي بنسبه ليا احسن لان كلنا ليبين وطبيعه حياتنا نفسهامش لازم نحس اني نتفرج ع نشره لان الموضوع حيكون مومل منطولش عليك استمر ومتخليش حماسك يوصلك تتدوي في حجات تقدر تقول محرمه علينا في ليبيا وبتوفيق!!!!

    • وأني معاك في أن التكلف يفقد الموضوع رونقه! والإسم المعتمد هو “طرابلسي كاست” وربي يفكنا من جو النشرة والرعب اللي فيها :-D

  5. نعرف بالزبط شن المقصود بالفيديو بلوغ و في ناس مداريتها من قبل واني شايفتها في مدونات صديقات من الجالية الليبية بالخارج ممكن لانهم تعلموا كيف يمارسوا حريتهم مش ح نقدر نقول الا انه حني البنات صعب شوية نديروا تجربة زي هادي و تكون اوبن للكل بس في بنات مداريينها بس كلوزد وبرايفت باعتبارهم فتيات مش اكتر ولا اقل
    مش قصدي التقليل من التجربة تجربة حلوة ونهنيك عليها و مانعرفش مدونة لشاب بس حنحاول نفتش ونبعتلك اللينك
    موفقين شباب ومانتمناش غير الاحسن لولد بلادي

  6. السلام عليكم
    كيف حالك ان شاء الله بخير و صحتك تمام
    امتى الشابتر الجديد ؟

    • الصبر مفتاح الفرج! راهو وقت الفراغ محسوب بالدقيقة والعمل من الصبح للخمسة العشية وما أدراك من واجبات عائلية بعدها (O)

  7. من الاخير الفكر جديد ما مرتش عليا من قبل و بالنسبه الي اسم البرنامج يكون من ليبيا احسن ان يكون خاص بمنطق معين في ليبيا مثل : من طرابلس او من بنغازي الخ….

    يكون من ليبيا احسن

    و ان شاء الله البرنامج ينجح واذا محتاج الي مساعد في اي شي في خصوص الكمبيوتر او النت اني موجود

    e-mail
    momotom2010@gmail.com

    • بما إن المدونة إسمه مدونة طرابلسي فالبرنامج حيكون “طرابلسي كاست” من مبدأ أن طرابلس عاصمة ليبيا يعني مش التوجه للطرابلسيين فقط (I)

      ومانستغنوش لو إحتجت حنكلمك بالتأكيد ;-)

  8. رائع ما قدمته من خلال التدوينات الجديدة وما قبلها
    حقيقة أعجبني جداً ما قدمته
    أنا من المدونين الليبين من سنة ونصف تقريباً …: منحاز للتصميم بصفة عامة في التدوين كنت أعتقد أن التدوين إختراع في ليبيا حيث أني إفتقدت للمدونين الليبين خاصة في الموقع الرسمي (عرب وورد بريس) (wp) وبعد مدة حين وجدتك في فوتوكينز كنت أول مدون ليبي أتصفح مدونته(قبل الكاستس) …. تدويناتك أعجبتني حقيقة وأعجبني تنوع مواضيعك
    دمت فخراَ

    by the way i like internet kids so funny :-D
    \:

    • أهلاً بك صديقاً للمدونة وأستغرب أنك لم تجد مدونين ليبيين!؟ فقد كنت أدون بالإنجليزية في موقع ياهو360 منذ ان كان مفتوحاً بالدعوات فقط وقبلها كنت أدون في إم إس أن سبايسس وبعدها قررت إستعمال ووردبريس كبرنامج للتدوين وكانت مدونتي في البداية إسمها “أنا إنسان” ثم غيرتها إلى “طرابلسي”… على كل حال أشكرك على كلماتك المشجعة وأتمنى أن لاتحرمني تعليقاتك (Y)

      ومعاً لنجعل إنترنت خالية من أطفال إنترنت ;-)

  9. فكرة جميلة جدا, وعنوان مميز, نتمنالك التوفيق يا على , وانا على ثقة ان البرنامج هذا حيلاقى نجاح كبير بالاستمرار ورأى شخصى نتمنى انك ماتغيرش فيه شى لانه نجاحه فى عفويتك واسلوب طرحك

  10. فكرة رائعة ومجهود طيب منك … ربي يعطيك الصحة… وفعلا الفش آي مش مستعملة على حد علمي.

  11. السلام عليكم
    نهنيك أخ علي على مجهوداتك المتميزة وأفكارك الابداعية
    بالنسبة للاسم انا نشوف اسم تهدريزة كاست افضل واشمل والاختيار ليك في النهاية
    حنا في ليبيا عندنا خوف من كل جديد و خوف انا نغلطو ويضحكو علينا الناس وهذا سبب عدم انتشار المدونات في رأي
    اما بالنسبة لأطفال الانترنت فانا نشوف اسم اطفال غير مناسب ليهم لان الاطفال يتميزوا بالبراءة والصدق
    اما هما فأنسب وصف ليهم هو طفيليات الانترنت
    ملاحظة : قريت من مدة عن قانون سيصدر في أمريكا يسمح ليك بعمل الجيل بريك للايفون على اعتبار انه ملكيتك الشخصية
    شكرا ليك ومزيد من النجاح

  12. مساء الخير أخ علي
    وانى أسف على التطفل وأنى متابع لجميع حلقات طرابلسي كاست وياريت تعطينا موعد ثابت عند صدور الحلقة القادمة أسف و شكرا

  13. شكرا وبارك الله فيك وجازاك اللهخيرا بججد انت انسان جنتل ومحترم وراقى ربى يحفضك يارب

(حرية النقد والرد متاحة للجميع شرط أن يكون تعليقك ضمن الموضوع وخالي من الكلمات البذيئة)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Get a Gravatar
(mad) :-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (mrgreen) (8) :-O (T) (G) (F) :-( (H) :-) (*) :-D (N) (Y) :-P (t0) (t1) (U) (W) ;-) (wp)